法國飯店

营业中

休息中

我指的安靜係間餐廳無咩客人果種靜，星期五晚上靜到嚇親，同一時間的屯門市中心，任何一間餐廳都排晒隊，我覺得如果有揸車的朋友就好適合，又有免費泊車又唔使等位。 講返正題，這間裝潢好有品味的餐廳，食物質素就唔多配合，價錢唔算貴，我覺得算平，可能因為無咩客人，所以起唔到價啦。講真，如果食物唔掂，咁又點會有客呢? 咁落去唔係辦法喎。 前菜揀左焗田螺，點左兩款主菜，一款美國特級西冷，一款寶雲酥羊架。先講牛，質素算不錯，燒得夠香口，特別係脂肪部份，不過略嫌調味不夠，要自己加鹽先得。再講羊，這個就唔得喇，味道ok, 但肉質太粗糙，好多渣，食到一半唔想食喇。 飲品方面，點左款英國手工啤，出面少有，幾好飲。