SOLO UDON ソロうどん (已結業)

最近同朋友收工約食飯，上網睇依間餐廳好似幾唔錯🤤，而且個營運設計都幾特別，首先係門口自助買咗食物，會有張帶有QR Code嘅單，到餐枱嘅時候，scan個QR code，店員就會送餐。成個過程好新奇🤓。佢每個位都有自己獨立嘅位置，一個人食都唔怕😝。-🍴蝦濃湯吉列蝦烏龍麵🍤(M:$98) - 食咗第一啖，已經覺得好鹹，偏向重口味，食多幾啖，有少少膩，麻麻地。個吉列蝦食落外皮香脆，蝦肉都幾爽口，都幾好食👍🏻。-🍴草莓罐裝牛乳蛋糕🍓🍰($48) - 比想像中細個，不過好靚，打卡一流📸！主要都係牛乳蛋糕味，草莓比較少。值得一讚嘅係，蛋糕會後上，食完烏龍麵🍜，可以食個蛋糕refresh返。