影片
更多
2020-03-08
223 浏览
唉好後悔無影相。今日去食Lunch，本身充滿期待，心諗喺得呢d地方都唔會差得去邊。掙扎左一陣，食壽司定丼飯好，最後決定豪少少，食Omakase Style Delux Sushi Set (12 pcs)，點解我要寫英文呢？因為我真係諗住佢會係Omakase， Delux，價錢係$598 (未加一)，然後上到黎，d三文魚子又倒瀉哂，d魚生一件件暗淡無光，d紫菜淋哂，望見都唔開胃。一挾件壽司攞入口，嘩大佬呀，壽司應該要係醋飯呀下嘛？(有錯請指正) 就算你只係落左好少醋，都唔係同我太太食果個白飯一樣味掛？加上d飯係熱嘅，個感覺超嘔心，直頭係一d唔生鮮嘅魚片放喺d普通白飯上面。然後d火炙嘅魚，一入口就散哂，完全無味。救命。難食到完全係侮辱客人。如果你係普通港式壽司鋪，收100蚊12件壽司，呢個質素我怪得邊個？但係K11 Musea，收598蚊，我應該會有d 期待？食完一肚氣，埋單果時 黑衫員工黑口黑面，多謝都無一聲。(其實如果好食，我又點會介意？好食嘅話我多謝番你都得啦)問一個戴眼鏡嘅女侍應洗手間喺邊，望都唔望個客一眼就話商場出面，鬼唔知咩，出門口轉左轉右都可以講聲掛，最後我轉右就兜左一大個
今日去食Lunch，本身充滿期待，心諗喺得呢d地方都唔會差得去邊。
掙扎左一陣，食壽司定丼飯好，最後決定豪少少，食Omakase Style Delux Sushi Set (12 pcs)，點解我要寫英文呢？因為我真係諗住佢會係Omakase， Delux，價錢係$598 (未加一)，
然後上到黎，d三文魚子又倒瀉哂，d魚生一件件暗淡無光，d紫菜淋哂，望見都唔開胃。
一挾件壽司攞入口，嘩大佬呀，壽司應該要係醋飯呀下嘛？(有錯請指正) 就算你只係落左好少醋，都唔係同我太太食果個白飯一樣味掛？
加上d飯係熱嘅，個感覺超嘔心，直頭係一d唔生鮮嘅魚片放喺d普通白飯上面。
然後d火炙嘅魚，一入口就散哂，完全無味。
救命。
難食到完全係侮辱客人。
如果你係普通港式壽司鋪，收100蚊12件壽司，呢個質素我怪得邊個？
但係K11 Musea，收598蚊，我應該會有d 期待？
食完一肚氣，埋單果時 黑衫員工黑口黑面，多謝都無一聲。(其實如果好食，我又點會介意？好食嘅話我多謝番你都得啦)
問一個戴眼鏡嘅女侍應洗手間喺邊，望都唔望個客一眼就話商場出面，鬼唔知咩，出門口轉左轉右都可以講聲掛，最後我轉右就兜左一大個圈。
總之無論係食物質素定侍應態度都係👎🏻👎🏻👎🏻
相就無，影張收據證明
PS 講緊5樓 IE Sushi都係收緊400蚊8件 omakase仲要好食呀大佬。
Openrice提醒我食評要有法律責任，但我覺得我講嘅野，千。真。萬。確。
20 浏览
0 赞好
0 留言
张贴
