嘗聚一刻

营业中

休息中

是日親戚生日， 到嘗聚一刻慶生。 由一開始的前菜，燉湯， 小菜， 海鮮， 到最後既糖水都好有水準。 前菜中， 以椒鹽鮮魷最受歡迎， 個個都話外邊好難食到咁嘅質素 之後既燉湯， 絕對真材實料， 飲完立即暖晒。 到左海鮮上場， 個個都嘩嘩聲， 新鮮，好味， 隻蟹勁靚勁飽羔，花雕雞油蛋白，好正嘅配搭，而聖子皇下邊d粉絲絕對係精華所在,雖然好飽， 但都忍唔住食埋佢。 仲有個又靚又好味既雀巢蜜豆炒黑豚肉， 肉質好嫩，唔會鞋口。最後食埋個足料糖水同生果，大家都棒住個肚，超滿足。