漢年茶餐廳

营业中

休息中

今日去大圍踩單車，聽人講漢年茶室好味，就同港貓朋友們去食。好舊式的茶餐廳，入去即刻諗起以前細個成日去個間茶室，估唔到呢度都有間。侍應對話好搞笑，真係好有街坊味道。咕嚕雞球飯。貓貓真係估唔到個份量係咁多，貓貓見到好興奮。因為貓貓踩完單車真係好肚餓。成兜飯仲係好熱，咕嚕肉汁好好味，有少少酸，不過接受到，菠蘿好甜好惹味呀。呢d碟頭飯一定要同朋友share至開心，朋友都食得好開心。飯價錢係45蚊，茶餐廳黎講係咁上下價錢，其實係抵既，不過如果價錢再低d就好啦。support小店，加油！