菊鮨 (已結業)

聽講最近有間好高質嘅日本料理餐廳開左係銅鑼灣, 行過銅鑼灣又想食個靚lunch, 就諗住不如去試下la。一入到餐廳覺得個feel 幾warm, d waitress 都好熱情, 餐廳仲有2間包廂for group gathering, 可惜自己今日一個人食lunch, 所以坐左係大廳嘅位置。食物方面order 左一份鵝肝多士同刺身定食。鵝肝烹調得好好, 煎到外脆內滑, 配上烘過嘅牛油多士, 食落好有滿足感。刺身定食就包括左5種刺身、沙律、茶碗蒸同米飯。咁多款刺身入面個人最鐘意生蠔同油甘魚, 生蠔蠔味濃郁, 入口creamy , 食完覺得可以再食haha。而油甘魚因為係超級厚切, 一食落去魚味超足, 配上秘製醬油又唔會好滯, 最啱配飯食。Overall 都幾滿意餐廳質素, 推薦俾想Happy Friday 食好d 嘅朋友！