十三少 (已結業)

收工又嚟食酸菜魚，餐廳地方夠大都坐得幾舒服。涼拌土豆絲土豆絲好爽口唔會太淋，好多蒜粒，作為冷盤都幾啱夏天食。川式口水雞雞肉都算幾滑嫩，麻香味濃，送飯一流。酸菜魚好大盤佔左成大半張枱。魚片好多，雖然唔算好多骨，不過食既時候都係小心啲。湯底酸得嚟幾開胃，辣度唔算好高，食到微辣既人可以夾走啲辣椒先再慢慢享用。紅糖糍粑上碟時仲係暖笠笠，外層薄脆，中間煙韌Q彈，餐廳都幾細心地另上紅糖漿，可以自行決定想食既甜度。