船皇 (厚福街) (已結業)

每逢黎尖沙咀，想搵好野食一啲都唔難，隨便搵一間都可以，簡單方便又快捷！仲要黎黎到厚福街，更加多美食可以揀啦！今次黎到船皇食，呢度又平又抵食！船麵好出名，又有泰式奶茶飲！兩款船麵都試過，大大碗又有，細細碗都試埋！大碗船麵有好多牛，味道幾好，唔錯！上面仲有條脆卜卜野，幾好食！仲有芫茜吊香成碗麵嘅味！麵量ok，男人大食啲就可能未必夠飽喇！而另外試左細細碗船麵，可以試到唔同味，唔同餸同埋唔同麵底，可以試曬所有野，所謂少食多滋味，咩都可以試少少，岩曬細胃口嘅女仔食，唔會浪費又可以食好多唔同款嘅野！推介！仲叫加左錢叫雞翼食，配泰式醬，好食！最後仲叫左碟菜，都ok，唔算有好大驚喜。仲有泰式奶茶作結，唔算好甜，偏奶味重啲，都有茶香，呢個值得飲！