星月居

平時出街食好啲嘅話都偏向選擇中菜，因為鍾意感受傳統菜式嘅技巧同心思，今次就同屋企人試吓星月居。
淮杞花膠螺頭湯，超多湯料，濃郁，鮮味十足!
大良炒鮮奶好嫩滑，蟹肉夠鮮甜，我第一次食野雞卷，外脆內軟，口感滿分，雖然入面有肥豬肉但完全唔會覺得膩!
蝦籽柚皮真係比較少見，整得非常入味，我哋揀左配遼參，夠彈牙。
乳鴿塊皮好脆，鹵水味勁香，必食!!
清蒸方脷魚肉質鮮嫩，送飯超正。
服務都唔錯，下次會再食~~推薦!!!!

淮杞花膠螺頭湯

大良炒鮮奶伴野雞卷

蝦籽柚皮遼參伴翡翠

紅燒脆皮妙齡鴿

清蒸方脷魚