三星台菜食堂 (新城市廣場一期) (已結業)

最近新城市廣場多了不少新食店，於是想去試試，原先想試道頓堀那間的，但6:15pm, 就已冇位，仲要一直都冇叫號的變動，唯有轉戰呢間。好快有位，但要一個鐘內食完，雖然呢類餐廳唔會食得耐，但完全冇諗過只得一個鐘，感受不太好！先選麵類，選擇不多，所以最終三個人都被招牌三星麵吸引左，只係選紅燒與麻辣的分別。紅燒的也有少少辣味，麻辣的辣中有酸味，所以很好味，而我那碗的牛筋比較靭，要慢慢食。原先想叫飲品，但主要是奶茶類，怕咁夜先飲瞓唔著，所以冇叫，齋食麵。最後，我地過左一個鐘少少，職員也沒催。整體來說，麵係好食，但地方淺窄，枱與枱之間冇咩空間，但職員拿著一碗碗麵來回穿插，看著也覺得危險。食物、飲品款式少，價錢又較貴，在同一個商場內，大家也可考慮一下小王牛肉麵。