鬼金棒

营业中

休息中

尋日我有個friend話想食拉麵之後就話去試呢間鬼金棒其實我之前都睇過一啲日本嘅Instagram到當地有一啲麻辣嘅拉麵都好想試琴日我去到間舖頭唔使排隊就有得食，真係太好唔使同人哋迫。之後佢俾咗張紙我哋用QR code落單，我叫咗一碗特製麻辣味增拉麵，中辣中麻。餐廳都好貼心都會比圍巾我哋掛，正值我琴日着住一件白色恤衫有呢一件圍巾真係放心食好多。碗拉麵味道好濃郁，個半肥瘦叉燒好出色，麵質同個湯好夾，麻辣我覺得都OK，平時食開譚仔二小辣嘅我覺得下次可以試吓大辣。食呢碗野嗰陣時嘅感覺覺得似食擔擔麵但係冇花生咁嘅感覺。我認為呢一間拉麵會值得翻食但係唔會成日食。因為實在太過重口味。