影片
更多
2021-01-27
21 浏览
呢排食西餐食得多，想食中餐平衡下，放學經過長沙灣，見到米線樂·麻辣豬骨濃湯嘅門面好靚好modern，啲餐好似又唔錯，就入去做外賣仔。本身想叫涼皮，不過太受歡迎賣曬，所以改為嗌多個米線～ 好開心呢度嘅米線係分湯上，返到屋企仲可以食到煙韌嘅口感😆🍜 酸辣豬骨濃湯米線（微辣） $50🐮 肥牛 +$12 🐷 腩肉 +$9幾年前暑假去成都，唔食得辣嘅我竟然膽粗粗買個辣麵喺街邊坐住食，辣到嘴唇變孖潤腸，要逐條逐條麵慢慢食😖🌶️ 今次食呢個酸辣米線，湯底辣度適中，少少辣得黎又唔會太搶味，令我慢慢重拾對食辣嘢嘅信心，原來食辣嘢係一種享受！肥牛同腩肉份量多，肥牛嘅牛味好出，腩肉肥瘦都有🤤🍜 麻辣豬骨濃湯米線（BB辣）$53🐷 鹵水豬大腸 +$12 🐔 免治雞肉棒 +$12呢個餐阿爸食嘅，佢食得太快，我影唔切相😂🙈 佢特別話免治雞肉棒好好食，似雲南嘅酥炸肉棒（我唔知係咩嚟嘅😂）其實呢個係老闆見我心大心細然後推介嘅，果然係好嘢！另外豬大腸都有好幾舊，阿爸話都好正😋 打開個蓋聞到湯底好香，阿爸仲飲晒啲湯，佢平日去某連鎖米線舖食係一定要走湯嘅🤣🐷 蒜泥白肉 $32平日食米線或者中餐我一定嗌蒜泥白肉🥰 呢個亦都冇令
🍜 酸辣豬骨濃湯米線（微辣） $50
🐮 肥牛 +$12 🐷 腩肉 +$9
幾年前暑假去成都，唔食得辣嘅我竟然膽粗粗買個辣麵喺街邊坐住食，辣到嘴唇變孖潤腸，要逐條逐條麵慢慢食😖🌶️ 今次食呢個酸辣米線，湯底辣度適中，少少辣得黎又唔會太搶味，令我慢慢重拾對食辣嘢嘅信心，原來食辣嘢係一種享受！肥牛同腩肉份量多，肥牛嘅牛味好出，腩肉肥瘦都有🤤
🍜 麻辣豬骨濃湯米線（BB辣）$53
🐷 鹵水豬大腸 +$12 🐔 免治雞肉棒 +$12
呢個餐阿爸食嘅，佢食得太快，我影唔切相😂🙈 佢特別話免治雞肉棒好好食，似雲南嘅酥炸肉棒（我唔知係咩嚟嘅😂）其實呢個係老闆見我心大心細然後推介嘅，果然係好嘢！另外豬大腸都有好幾舊，阿爸話都好正😋 打開個蓋聞到湯底好香，阿爸仲飲晒啲湯，佢平日去某連鎖米線舖食係一定要走湯嘅🤣
🐷 蒜泥白肉 $32
平日食米線或者中餐我一定嗌蒜泥白肉🥰 呢個亦都冇令我失望，我勁鍾意食蒜蓉同蔥，撈埋腩肉真係人間美食😋
🍆 涼拌紅油茄子 $28
老闆話呢排好多人都叫呢個，見到小食咁多款，選擇困難嘅我就試下，而且食咗咁多肉，食個菜好似健康啲😂 啲茄子好大舊，咬落多汁，撈埋辣油食，麻痺感好正🤤
🍑 蜜桃烏龍茶 +$12
阿爸最鍾意食蜜桃，又鍾意飲茶，呢個啱晒佢！有兩包茶包，粒粒蜜桃分明，抵！
🌹 玫瑰洛神花茶 +$12
呢個又係老闆推介嘅（見我望住個餐牌發呆太耐😂），同蜜桃烏龍茶一樣，都係樽裝嘅，所以方便外賣拎走。真係見到成朵花係入邊🌼
💰 $191（外賣費+$4）
呢度環境光猛乾淨，牆上啲霓虹燈裝飾幾靚。老闆同伙記嘅服務態度好好，等外賣嘅時候主動叫我坐低等，同埋好細心幫我分袋，令我容易啲拎返去，走嘅時候因為我孭住個書包（同埋我肥😂），仲幫我拉開啲枱凳👍🏻
臨走前聽到老闆同街坊講，堂食會開心啲🥲 唔知香港幾時會恢復正常呢？
2 浏览
0 赞好
0 留言
1 浏览
0 赞好
0 留言
0 浏览
0 赞好
0 留言
0 浏览
0 赞好
0 留言
1 浏览
0 赞好
0 留言
0 浏览
0 赞好
0 留言
张贴
