Little Fresh Cafe & Bar (已結業)

又去到懲罰系列 - 正所謂好食是良知，位於旺角油麻地既精緻西餐，絕對是符合資格。餐廳既裝修充滿情調，好適合各位巴打帶女友上黎食飯。我哋兩個女仔食唔多，叫左幾樣野，感覺除左食物賣相靚，味道都很讚。唯一就係餐廳都幾細，要食就要預早book定位。講下d野食先。。。南瓜野箘湯 （$48）- 野箘同南瓜湯是天作之合，南瓜湯creamy香甜，菇味極之香濃，加埋香草同洋蔥提昇味道，最鐘意呢道菜了！鹽燒鯖魚 （$58）- 鯖魚好大條厚肉，上枱後店員再加上日本海鹽再以火槍即燒，除左帶黎視覺效果之外，仲令到鯖魚皮更香更脆。魚肉肉質結實，唔腥且鮮味，推介！黑魚子白汁煙三文魚扁意粉 ($128) - 好香濃既白汁微微不會搶過了煙三文魚的鮮味，加入菇菌口感大增。法式甜酒杜洛克豬肉眼扒（$178）- 豬扒煎得不慍不火，豬比較瘦，油脂唔算重，但勝在肉味香濃。薯蓉好足料，食得出落左好多薯仔，點香甜既南瓜汁食好唔錯，如果蕃茄再多d就好。鐵板朱古力布朗尼配雜莓雪芭 （$88）- 出奇地連唔嗜甜既我都鐘意食，甜品做到冰火交融既效果，酸甜既對比亦都好突出，唔錯！總結係一間值得encore既小店，食物同服務都非常唔錯。