CoCo壹番屋 (新港中心)

营业中

休息中

一路都未試過依間幾出名既咖哩,今日咁岩經過依頭,有籍口比我去試下喇,好驚佢旺到要排成個鐘,所以專登早少少去,所以得幾張枱係有人,唔洗等位,好感動,入去到,修裝都幾整齊,而且唔會話太迫,而MENU上面就真係全部都係咖哩。慢慢睇左一陣,朋友都揀好哂。我自己就揀左炸豬扒咖哩奄列飯，賣相好吸引，而且好香,不過個種香味唔同出面D咖哩,可能因為日式咖哩既關係,所以都係好清既味,無出面D咖哩咁油膩，日式咖哩就甜甜地,不過都好開胃,同埋所有野都好熱，不過我地掛住傾計,熱都變哂凍,熱既時候個豬扒好香好鬆化，不過就有少少油, 個飯都好正,不過凍左之後食口感就差D,所以一定要快D食哂佢,唔係就哂左。份量黎講我就覺得岩岩好，咖哩太多既會食唔哂,所以岩岩好,下次試埋其他先。