181
65
14
影片
营业时间
今日营业
11:30 - 22:00
星期一至四
11:30 - 21:30
星期五至六
11:30 - 22:00
星期日
11:30 - 21:30
*星期日至四截单时间: 21:00
星期五及六截单时间: 21:30
以上资料只供参考，请与餐厅确认详情
相关文章
约咗朋友去食Coco壹番屋，之前食过觉得唔错，想睇下质素系咪依然保持水准，加上朋友又想食咖喱又唔系太食得辣。🍛✨今次点咗炸猪排咖喱饭同海鲜咖喱饭，猪排仍然炸得香脆，外层金黄，内里仲系保持嫩滑，猪肉唔会太干，但份量感觉偏少。咖喱酱系Coco一贯嘅浓郁风格，略带甜味，辣度可以自己拣，几贴心。至于海鲜咖喱饭，配料有虾🦐、鱿鱼同青口，味道唔错，但海鲜嘅新鲜感稍稍欠奉，食落无太大惊喜。另加咗一个炸薯饼，外层炸得香脆，内里软糯，几适合配咖喱一齐食。饮品方面拣咗杯冻绿茶，清新解腻，但口感偏淡，冇特别突出。无食咁耐估唔到佢都稳定无变，味道唔会失准，但如果之前食过，今次再试就可能觉得欠缺新意。价钱合理，但以份量嚟讲性价比一般。如果你钟意日式咖喱，其实都系一个值得一试嘅餐厅，但如果期望有新鲜感或者创意菜色，可能要考虑其他选择，因为咁多年佢既餐单都系无变过。🍛😊
继续阅读
同男朋友去亲尖沙咀行街又唔系好想食咁多嘅时候间唔中都会谂起Coco😂今次我嗌咗人气no2嘅汉堡奄列咖喱饭，男朋友就食人气no1嘅咖喱猪扒奄列咖喱饭，辣度可以自选，我哋一个拣咗2分一个3分辣。上菜嘅速度都算快，而且上枱嘅时候冒哂烟😌都叫做冇hea啲客呀🤣咖哩嘅份量好足，绝对够我哋捞哂成个饭，味道方面不过不失喇，都系想像中嘅味道😂吉列猪扒够热，系唯独皮略厚，同埋有少少皮肉分离，至于汉堡扒，虽然得两块，但系食食下都有少少腻，一定要配饭食，味道同样不过不失。我哋跟套餐，加咗嘢饮同云呢拿雪糕。雪糕反而有惊喜🍨雪糕杯底有少少谷物脆脆同麦片增加口感，云呢拿味都食得出唔系cheap cheap来货，收个靓尾😌
继续阅读
同朋友系尖沙咀行街，大家一齐想食咖哩🍛，search 到新港中心有COCO分店，一于试下先分店几大，入到去有去左日本🇯🇵感觉，好多大卡位，同朋友倾计好合适👭，服务员都好亲切叫咗个 set一份炸鸡球🐔咖喱饭配可乐🥤加雪糕🍨🍧因唔食得辣，可以选唔辣，非常好👍，感觉好似系日本食紧地道日本饭。鸡球炸得脆，但又唔会干，枱面有支蜜糖可以添加，一至两滴已足够令到啲咖喱味更加香浓。去到最后就最期待既雪糕🍨，拣左云呢拿味上边仲有啲甜甜谷物，非常好味🤗
继续阅读
自己其实间唔中都会想食下咖喱吉列猪扒饭，对上一次食coco已经系几年前食，适逢最近岩岩转左新工，附近就有一间，当然系要拜会下佢。今次拣左正常辣嘅招牌咖喱吉列猪扒饭配餐汤同雪糕。作为人气no.1嘅吉猪，品质毋庸置疑。皮脆，量够，咖喱汁甜中略带点辣。餐汤系中规中矩嘅日式汤，不过胜在有几多料。反而系几欣赏佢嘅雪糕。佢系用雪冻左嘅碗仔去载雪糕，再加上有轻轻嘅摆盘。睇落普通嘅雪糕加上有口感嘅脆脆粒同薄荷叶。食落好满足，为午餐作一个很好嘅收尾。p.s.几欣赏佢有少饭减5蚊嘅选项，环保得嚟又可以帮冇咁大食嘅人悭返五蚊，抵呀！
继续阅读
今日同朋友食饭，佢想同个女试吓Coco一番屋嘅儿童餐，跟住就嚟咗呢度。尖沙咀新港中心呢一间餐厅唔算好多人，所以唔使等位已经有得入去，店员见到有小朋友都问使唔使要BB凳，服务几好几细心。今日我哋两大一小，所以嗌咗两个餐加一个儿童餐。1️⃣红酒烩牛肉奄列饭因为我今日唔想食辣嘢，见到有呢个期间限定嘅红酒，就试吓佢。佢本身都仲可以拣辣度，但我就拣咗标准（唔辣）。佢个红酒汁几好食，同啲牛肉同埋滑蛋好夹。而佢啲牛系肥牛片，所以都唔会韧。我觉得如果佢配埋少少蔬菜盘碟就更加平衡啦。2️⃣奄列咖喱饭（儿童餐）作为一个儿童餐嚟讲，佢都算几大份，又有粟米粒、又有薯菜、又有啲肠仔咁。但系因为系儿童餐嘅关系，所以咖喱就系唔辣嘅。儿童餐仲包埋嘢饮同玩具。（小朋友唔俾我玩个玩具，所以只能够影到少少😂😂）玩具好似唔系剩系得呢种，但系BB佢拣咗要呢个。3️⃣炸忌廉咖喱饭咖喱饭一般都有得拣辣度，我朋友就拣咗一度，佢仲推介加少少果蜜酱，少少甜可以中和咖喱嘅辣，提升口感嘅刺激。而炸忌廉饼系好似薯饼咁，入边有蟹肉嘅，所以如果唔食得海鲜嘅朋友要注意啦我哋三个都有加雪糕同嘢饮，嘢饮冇乜特别就唔影啦，雪糕就有云呢拿雪糕、绿茶雪糕、迷你雪糕。云呢拿雪糕配有少少蜜糖麦片，绿茶雪糕就配咗啲红豆同麻糬。迷你雪糕系儿童餐𠮶度加嘅，但系食落感觉觉得迷你雪糕仲大过一般雪糕😂😂
继续阅读