S2 鐵板燒 (已結業)

早幾日路過見肚餓入左去幫襯, 叫左個薄燒牛肉蟹爪一人餐有沙律有刺身有主菜有飯有湯仲有甜品價錢都係$480再加一呢個價錢黎講食鐵板燒我覺得都算幾抵啦如果出尖東個啲食可能都有呢個價錢但就唔會咁豐富囉侍應安排我坐吧枱, 可以睇住師父表演, 唔錯呀主菜有銀雪魚、兩隻北海道蟹爪、芝士流心和牛漢堡扒同埋燒牛肉真係極豐富, 仲要樣樣都咁啱我口味銀雪魚係我最喜歡既西京燒煮法, 甜度適中, 魚肉爽脆不帶腥味, 靚野!!超好食!!個薄燒牛肉都係驚喜之作, 肉味豐盈, 雖則唔會入口即化但肉質都非常鬆軟無筋, 同樣地幾好食食完成個餐都包哂~~~下次帶埋朋友黎試其他餐先