Ristorante Pizzeria Da Vincenzo

营业中

休息中

年初五开工要食餐好嘅开个靓年，于是帮衬咗呢一间意大利餐厅，我哋一行三人每人叫一样野share，佢d set lunch份量足食到好饱好满足，我哋叫咗两个意粉一个Pizza。先叫了Still Water皆因个樽真系好靓。第一款pasta就拣咗芝士茄子意大利猪肉肠配特大长通粉，个特大通粉咬口唔错几大牙，配埋佢个白汁真系唔错，难得系唔会食咗感觉好滞，拌碟嘅芝士粉似乎系真系用芝士磨出嚟而唔系现成化学芝士粉，所以芝士味特别香。第二款pasta就拣咗青豆杂菌牛肝菌意大利猪肉肠d牛肝菌同埋杂菌又真系几好食几新鲜，配佢嘅蕃茄汁啲鲜味特别出。Pizza就拣咗意大利野猪辣肉肠杂菌薄饼，d野猪辣肉肠几惹味，呢个Pizza真系好抵食，$108，仲包埋餐前小面包、汤或沙律，再连埋杯餐饮，果然系丰富的午餐。餐前小面包，仲有橄榄油同醋可以点。个跟餐沙律精彩到一个点，仲要好新鲜。包埋餐饮真系抵到无朋友。