宏 (已搬遷) 新店位置

話說前幾日睇咗YouTube有人介紹日本旅遊食鰻魚飯！勁吸引！可惜繁忙嘅香港人又唔可以成日飛...於是男朋友就帶咗我放工去The One食好西！ 滿足下我冇得飛但係都有鰻魚飯嘅慾望💋男朋友帶咗我去食（宏）初初我以為只係一間食綠茶嘅鋪頭！入到去打開Menu先發現原來佢哋嘅鰻魚都好出名.我哋平日時間七點幾去到店內唔算好多人亦都唔需要等位.店員帶咗我哋坐低之後就用心介紹咗餐牌裏便邊啲係佢哋餐廳推介嘅食物比我地！我點了白燒鰻魚套餐....貪心既男朋友就點了迷你三彩定食分別有吞拿魚飯+海藻烏冬+鰻魚飯！整個環境好休閑唔會太嘈人流唔算太多坐得好舒服❤️唔使十分鐘我個白燒鰻魚就到左！其實白燒鰻魚即係鰻魚燒熟嘅期間唔加入鰻魚汁去做調味！可以真正品嚐到鰻魚本身嘅肉質和鮮味！鰻魚本身好厚身好有質感！另外他配了芥末和醬油，柚子醬油，鹽！可以令我有多個唔同味覺嘅享受.吞拿魚飯刺身嘅用了都唔少！用上日本珍珠米口感好夾海藻烏冬感覺有點似蕎麥面...個湯好好飲...清清地好Flash最有驚喜係個鰻魚飯雖雖然佢細細碗但係份量十分多...而且鰻魚質感好厚好有口感唔會太淋😍另外套餐係包括飲品同埋甜品的！飲品方面我嗌左抺茶沙