土司工坊 (荷里活廣場) (已結業)

星期六的早上去土司工坊嘆個早餐，裝修明顯悉心設計，有掛畫有咕臣，好有家的感覺，早上不太多人，坐得都好舒服。研究咗餐牌一陣，都係食個麵食飽肚D，於是揀咗個南洋套餐﹣娘惹米線套餐（＄47），講真都唔知係咩黎，但睇張相應該都係類似叻沙，只係較叻沙乾身吧！哈哈。。。餐飲叫咗熱奶茶加練奶。講真真係第一次食娘惹米線，嘩！原來好好食架！味道甜甜辣辣的好香椰汁味！有D好似花生碎咁使成個米線特別香口，可惜得兩隻蝦同半隻半熟蛋，好快就俾我食晒喇！真係好食會再來食呢！但係奶茶就好一般，雖然話用練奶沖，但一D都唔滑，一般茶餐廳水準啦