影片
相关文章
喺荷里活广场买完衫，三个人去食个下午茶，行咗一个圈都冇咩心水，好耐冇食过Toast Box，4:30 左右到达，揾到位就去排队买嘢，大约排6个，都有等咗10 分钟以上。间嘢可能系冇人洗餐具，餐具位置除咗刀，就得返一只筷子。唯有拎外卖餐具用。放餐具位置都几乱几污糟，好多已用嘅嘢系枱面。讲返食物，叫咗1）喇沙套餐$66 冻柠茶走甜+$4 喇沙汤底唔香，米线淋到一pat pat ，虾就肯定雪藏货，仲要系质量差雪嘅藏货，完全冇味，系一旧爽口嘅唔知咩物体，如果瞇埋眼食一定唔知系虾。鱼片冇味，系鸡蛋豆卜好啲，唔系好味，不过正常。冻柠茶茶色好浑浊，味正常。2）肉骨茶配白饭（特价$48）冻柠茶走甜+$8冇咩味架，得两件肉，都几大件，但唔香 ，冇肉味，汤底都冇香浓或清甜感觉，一定要点豉油食，好似食汤渣。3）斑兰蛋糕（$16）冇斑兰味，似纸包蛋糕4）薏米水（特价$10）叫咗多薏米都系好少薏米，睇住佢装1/3杯薏米水再沟滚水，真系薏米....水啰。好怀念以前池记果啲薏米水，有姜有蜜枣，薏米又多。5）加配小食鸡扒同鸡翼（各$10）成餐最好食嘅嘢，竟然系最平嘅加配小食，鸡翼同鸡扒都系正常，正常我都当佢好食，因为其他太难食。鸡扒同鸡翼都好油，但起码有味，同埋冇雪藏未，加$10抵食。总结：服务员态度好嘅，无论收银定系整嘢食𠮶个，态度都唔错，叫佢帮我打包肉骨茶个白饭，佢哋都好乐意。环境系凌乱同污糟嘅。食物系贵而且唔好食嘅。
继续阅读
周末想食个香口惹味嘅汤面，就喺商场入面拣咗间星马style嘅toast box。当日试咗个喇沙米线加杯拉茶。今次呢碗喇沙质素很一般，可能因为店内人数有点多，职员想尽快出餐而忽略食物质素。首先，喇沙个汤底相对地较辣，因此遮盖咗喇沙自身应有嘅椰香味，而且汤嘅份量亦相对地小。至于米线嘅软硬度亦偏向较硬，大大降低咗整碗喇沙嘅质素。幸好，杯拉茶就保持到水准。即使拉茶相对偏甜，但仍品尝到当中的茶香味，未至于大失期望☺️
继续阅读
工作人员带情绪做嘅早餐！通宵工作员收工返到荷里活，由于太攰啦谂住食咗早餐返屋企瞓觉。饲养套餐嗌咗两只温泉蛋加咗一个麦皮一杯热柠水。等咗约8分钟，肚丝做好啦，叫我啲Number去攞餐。我行咗去只见土司摆喺个纸袋度，见啲人望紧我要再等多左约2分钟，负责冲野饮同埋皮的工作人员一个字一个的点餐，缺没有帮我冲嘢嘅意思。我忍唔住就问佢可唔可以帮我冲左野先，我啱啱收工好攰。佢第一次回应我话等多阵，我又继续等咗约两分钟，真系企到脚痛啦，又去问佢可唔可以帮我冲咗嘢先我好攰。佢第二次回覆我话要等多3分钟，温泉蛋未得，叫我转熟蛋也就系煎蛋，我话之前点解唔同我讲温泉蛋要现做，要等咁耐。我见入边有一只温泉蛋，朝早又唔想食煎蛋，所以就问佢，可唔可以一只温泉蛋一只煎蛋。佢就开始发脾气大声嗌同事攞一只煎蛋，开始帮我冲麦皮，期间麦皮倒泻咗，佢拎起个杯，继续加水咪补番啲麦皮落去我都算啦冇出声。冲嘢饮𠮶时，冲左杯奶茶，我提醒佢我要嘅系热柠水。返到去打开睇只煎蛋令人好冇食欲之外，只温泉蛋更加让人倒胃口。唔知佢只鸡蛋系咩鸡生嘅，只鸡仲嚟紧M咁。
继续阅读
睇戏前想食少少野垫底，想起吐司工房既咖央多士。进入店内先量体温然后自行揾位，再去排队落单，点了牛油咖椰士司套餐及肉松厚土司套餐。牛油咖椰士司套餐 $38多士内涂满厚厚咖椰酱及一片厚牛油，未食已充满罪恶感，一啖咬落去脆卜卜，好香椰香味，同男友分享一件以减低罪恶感，套餐另配有煎蛋两只。肉松厚土司套餐 $38厚土司涂满炼奶，上面劲多肉松，甜美炼奶同咸肉松咸咸甜配搭不错，而且肉松份量超多，土司预先切成小块，相当贴心方便进食。餐饮热奶茶，香浓茶味，不过用炼奶略为太甜，下次叫少甜会比较好。
继续阅读
以前好钟意食Toast Box， 觉得佢嘅多士好好味，尤其系咖央多士今日来食早餐， 见佢个醒神早餐做紧特价$40连饮品， 所以就试咗早餐如果饮品系美禄或者好立克，系要加$4， 我觉得加$4玩美禄或者好立克唔系咁抵，所以拣咗热柠水就算热柠水有两片柠檬，不过唔苦，都okay醒神早餐，有两片多士， 煎蛋，有茄汁豆，另外由香肠烟肉同火腿，三选二， 我拣咗香肠同烟肉多士质素我觉得比之前退步咗，我觉得系佢个面包唔同咗，比之前难咬 ， 同埋少牛油煎蛋系麦记猪柳蛋汉堡里面𠮶个蛋嘅款式. 味道okay. 但个人比较钟意食只煎半边的太阳蛋香肠几好食， 烟肉就麻麻， 无乜烟熏味总括来讲， 全个餐不过不失， 无乜特别
继续阅读