影片
更多
2017-05-22
80 浏览
咁岩行開兆萬 所以夜晚都決定喺度食飯，望到有唔同嘅傳單 最後都係決定咗食呢間。一入到去個環境有好多日本嘅擺設，唔似一般嘅放題店會好嘈，反而有好靜嘅空間同朋友傾吓計。估唔到真係有得自製章魚丸，之前諗住同男朋友去銅鑼灣整，結果今次放題都可以試到！呢間放題比足材料自己整，仲有唔同醬汁可以加上去章魚丸到，最緊要係自製章魚丸係送既又可以玩到！呢到有好多唔同嘅飲品選擇，側邊仲有唔少小食可以拎，仲有好多張紙可以揀嘢食。一嚟梗係揀咗刺身食先！俾足料刺身好新鮮！ 刺身冇腥味 好鮮甜。另外值得一讚嘅係壽司，花之戀，火焰蟹柳都正！花之戀嘅三文魚好肥美 唔似出邊放題既好薄，另外火焰蟹柳好實肉 有鮮甜嘅蟹味 一咬落去唔會散咗，質素好過出面放題。另外升級體驗雖然要加＄50但見到生蠔，羊架，珍寶帶子同蝦都覺得抵！全部都係我嘅最愛！珍寶帶子真係好大粒，賣相好吸引睇落亦都好乾淨。 所以好放心咁食咗好多！到咗小食類 咖喱魷魚同地獄東風螺都值得推介叫完再叫過！辣度對我來講啱啱好！ 咖喱魷魚口感好爽口一啲都唔un，另外東風螺都冇沙，好入味，唔係就咁加啲辣油就算數！天婦羅都係即叫即炸 食起嚟都仲係熱嘅燒牛舌同豬頸肉唔會話淋唔會
咁岩行開兆萬 所以夜晚都決定喺度食飯，望到有唔同嘅傳單 最後都係決定咗食呢間。一入到去個環境有好多日本嘅擺設，唔似一般嘅放題店會好嘈，反而有好靜嘅空間同朋友傾吓計。
估唔到真係有得自製章魚丸，之前諗住同男朋友去銅鑼灣整，結果今次放題都可以試到！呢間放題比足材料自己整，仲有唔同醬汁可以加上去章魚丸到，最緊要係自製章魚丸係送既又可以玩到！
呢到有好多唔同嘅飲品選擇，側邊仲有唔少小食可以拎，仲有好多張紙可以揀嘢食。
一嚟梗係揀咗刺身食先！俾足料刺身好新鮮！ 刺身冇腥味 好鮮甜。
另外值得一讚嘅係壽司，花之戀，火焰蟹柳都正！花之戀嘅三文魚好肥美 唔似出邊放題既好薄，另外火焰蟹柳好實肉 有鮮甜嘅蟹味 一咬落去唔會散咗，質素好過出面放題。
另外升級體驗雖然要加＄50但見到生蠔，羊架，珍寶帶子同蝦都覺得抵！全部都係我嘅最愛！珍寶帶子真係好大粒，賣相好吸引睇落亦都好乾淨。 所以好放心咁食咗好多！
到咗小食類 咖喱魷魚同地獄東風螺都值得推介叫完再叫過！辣度對我來講啱啱好！
咖喱魷魚口感好爽口一啲都唔un，另外東風螺都冇沙，好入味，唔係就咁加啲辣油就算數！
天婦羅都係即叫即炸 食起嚟都仲係熱嘅
燒牛舌同豬頸肉唔會話淋唔會話太硬，燒牛舌唔腥好爽口同埋估唔到咁大塊！另外豬頸肉半肥肉質均勻。仲有甜品類嘅牛奶布甸同芒果布甸都係足料！
最後一讚嘅係員工嘅服務，會主動問我要唔要手套方便食螺，仲會問仲有冇其他需要幫到我哋👍🏻同埋呢一間野冇漏單！上菜都幾快，會下一次再嚟 食物質素同價錢成正比！
张贴
