咖啡廳

营业中

休息中

朋友由美國返黎，佢話個邊無咩好食既buffet,所以今次既飯聚就帶佢去食buffet。聽朋友介紹，話喜來登the cafe唔錯，就決定去。入到去，見到食物種類都好多，海鮮有蝦，青口，蜆，蟹腳，仲有我最鍾意既蠔，好多buffet d蟹腳都好咸，所以我對蟹腳麻麻，但呢間d蟹腳竟然係好鮮甜，所以我都食左八隻 d生蠔雖然細隻，但好鮮甜。熱盤有燒牛肉，羊架，蒸魚，咖哩，鵝肝，好多選擇。羊架一d都唔蘇，個皮燒到脆脆地，好好味。不過個蒸魚次次打開得條骨，要扣分最正係個燉湯-川貝海底椰鱷魚肉燉花膠，必食推介。成個buffet都唔錯，係略嫌甜品比較遜色。