影片
更多
2021-10-29
28 浏览
📍Basmati 📍💡銅鑼灣印度菜☺️都好耐冇食印度野啦，難得朋友話想食，就黎左呢間試試佢餐廳嘅空間感十足好大，座位舒適，一上到去感覺就好印度，裝飾充滿印度特式✨今次點左 chef’s suggestion 2人套餐setA($358)份量真係好多，飽到真係抱住個肚走，而且可以試哂唔同款式，真係好抵🐥餐湯餐湯係熱辣辣既薯仔湯，係有小小辣同好胡椒味，而且入口係好滑，幾特別🐥香辣鬆化胡椒餅個餅好香脆，上面鋪滿蕃茄，青瓜，椰菜等等既胡椒薄餅，顏色好鮮艷，食落好清新好豐富，點埋兩種醬汁食好正，非常開胃，推介🐥燒三文魚三文魚上枱時鐵板熱辣辣滋滋聲，表面有蒜片，而且有用雜菜鋪底，三文魚既油香味撲鼻而來，店員幫手唧上檸檬汁，更加帶出魚既鮮味😂不過食落唔係幾有印度feel,但惹味吸引🐥印色燴茄子魚香茄子就成日食，印度燴茄子真係第一次食，好香好大份，茄子煮得好淋身，索埋d汁好入味🐥椰汁咖喱雞咖喱份量好多，d雞食極都有咁，辣味適中唔會辣到噴火，幾惹味，食落會有淡淡椰香，配埋烤餅一流🐥蒜蓉烤餅烤餅底同餅邊都好脆，餅面鋪滿蒜蓉粒，非常重蒜蓉味同有口感。不過真係要趁熱食，凍左dd差小小😂🐥印度炒飯係我地食到好飽既
💡銅鑼灣
印度菜☺️
都好耐冇食印度野啦，難得朋友話想食，就黎左呢間試試佢
餐廳嘅空間感十足好大，座位舒適，一上到去感覺就好印度，裝飾充滿印度特式✨
今次點左 chef’s suggestion 2人套餐setA($358)
份量真係好多，飽到真係抱住個肚走，而且可以試哂唔同款式，真係好抵
🐥餐湯
餐湯係熱辣辣既薯仔湯，係有小小辣同好胡椒味，而且入口係好滑，幾特別
🐥香辣鬆化胡椒餅
個餅好香脆，上面鋪滿蕃茄，青瓜，椰菜等等既胡椒薄餅，顏色好鮮艷，食落好清新好豐富，點埋兩種醬汁食好正，非常開胃，推介
🐥燒三文魚
三文魚上枱時鐵板熱辣辣滋滋聲，表面有蒜片，而且有用雜菜鋪底，三文魚既油香味撲鼻而來，店員幫手唧上檸檬汁，更加帶出魚既鮮味😂不過食落唔係幾有印度feel,但惹味吸引
🐥印色燴茄子
魚香茄子就成日食，印度燴茄子真係第一次食，好香好大份，茄子煮得好淋身，索埋d汁好入味
🐥椰汁咖喱雞
咖喱份量好多，d雞食極都有咁，辣味適中唔會辣到噴火，幾惹味，食落會有淡淡椰香，配埋烤餅一流
🐥蒜蓉烤餅
烤餅底同餅邊都好脆，餅面鋪滿蒜蓉粒，非常重蒜蓉味同有口感。不過真係要趁熱食，凍左dd差小小😂
🐥印度炒飯
係我地食到好飽既時候，店員見到我地d咖哩未食哂，好貼心，主動送上一碗黃薑炒飯，米係長條形，粒粒分明，同平時食既唔同
🐥mango Lassi
味道酸酸甜甜，yogurt同芒果味好夾，又幾厚身，上面仲有一個心心形拉花，唔錯
🐥Lime Soda
食咁多野後飲落好fresh,唔會太甜
张贴
