鮨蕾 (已結業)

今日放工同家人試呢間係銅鑼灣V Point嘅日本餐廳，試下呢間主打創意嘅Omakase廚師發板。有4款Omakase揀,我地揀咗楓 Momiji。一坐低，店員就遞上餐廳自製嘅炸蕃薯片，平時只會喺泰式餐廳一坐低有蝦片食，小食:蕃薯片炸得好香脆，又夠薄身。前菜:南瓜栗子配果仁加魚仔，店員話係用甘露煮，食起上嚟好清新，都幾夾。旬の2点: 擺盤得好靚，有吞拿魚同埋海膽拖羅吞拿魚配上柚子汁嚟食，味道非常清新，海膽拖羅又肥美又creamy，入口即溶，兩種唔同嘅係好有趣嘅配搭。燒物: 銀鱈魚西京燒，魚煎得夠香嫩，西京燒調味適中。旬の寿司6貫:店員教我地由淡至濃咁食, 鮮帶子、左口魚邊、石垣貝、北海道海膽、熟成拖羅。熟成拖羅係招牌，拖羅不單重油香，熟成處理後連魚香都兼仲Keep到，非常好食。海膽新鮮creamy，好好食。味噌汁:大和蜆仔麵豉湯，味道鮮甜,好足料。甜品:靜岡蜜瓜，香甜多汁。