影片
更多
2015-08-06
1333 浏览
見晚上9點多，少餓，怕再等夜d就更餓更夜，就行去堅尼地城吃簡食。行落去地鐵站對面間日本餐廳叫了燒雞扒烏冬，留下餐牌萬一如果細碗就多叫d魚生。烏冬上黎，一睇就知係是是但但敷衍版，稀啷啷豉油湯，都講係乜岐物岐烏冬，sorry，食唔出囉！最離譜係碟雞扒，罌支支似發育唔健全，黑蚊蚊似跌過落坑渠，仲要只係暖暖地，大佬，都$55-文錢再加一架窩。一句講晒，難食。嚿雞扒都咁差，生野我唔會搏囉！找錢仲要張$20打到有咁散得咁散，貼士呢俾係讚揚唔俾係道理，算啦，俾幾蚊分手費，反正以後不會見！我好憎食左d衰野霸左個餐，你知一個人食一餐少一餐，就行去轉角睇下間細細地黃禁禁既日本店仔有無d野氹返自己。有碗咩岐烏冬係肚當然食唔到d咩，好想試刺身但要8件起驚飽得滯，望望下個餐牌見到自家製豬軟骨拉麵，有6成飽竟然仲口水直流，入去坐低就叫碗以豬骨湯底既拉麵，怕濃湯更滯。店面裝修唔講，細到咁你仲想食裝修？不過窄逼逼好似日本地道小店。全店貼滿3R客人相有d恐怖，張張相都係客人食蟹，就睇下咩價，嘩，最貴果隻蟹要成$3000-大洋，真係holly crab！不過已經引起我這蟹皇欲望了。好，麵黎啦，嘩，呢d咪叫做有heart囉
見晚上9點多，少餓，怕再等夜d就更餓更夜，就行去堅尼地城吃簡食。行落去地鐵站對面間日本餐廳叫了燒雞扒烏冬，留下餐牌萬一如果細碗就多叫d魚生。烏冬上黎，一睇就知係是是但但敷衍版，稀啷啷豉油湯，都講係乜岐物岐烏冬，sorry，食唔出囉！最離譜係碟雞扒，罌支支似發育唔健全，黑蚊蚊似跌過落坑渠，仲要只係暖暖地，大佬，都$55-文錢再加一架窩。一句講晒，難食。嚿雞扒都咁差，生野我唔會搏囉！找錢仲要張$20打到有咁散得咁散，貼士呢俾係讚揚唔俾係道理，算啦，俾幾蚊分手費，反正以後不會見！
我好憎食左d衰野霸左個餐，你知一個人食一餐少一餐，就行去轉角睇下間細細地黃禁禁既日本店仔有無d野氹返自己。有碗咩岐烏冬係肚當然食唔到d咩，好想試刺身但要8件起驚飽得滯，望望下個餐牌見到自家製豬軟骨拉麵，有6成飽竟然仲口水直流，入去坐低就叫碗以豬骨湯底既拉麵，怕濃湯更滯。
店面裝修唔講，細到咁你仲想食裝修？不過窄逼逼好似日本地道小店。全店貼滿3R客人相有d恐怖，張張相都係客人食蟹，就睇下咩價，嘩，最貴果隻蟹要成$3000-大洋，真係holly crab！不過已經引起我這蟹皇欲望了。
好，麵黎啦，嘩，呢d咪叫做有heart囉，你個麵氹到我，我分分鐘再黎消費食隻蟹啦！
熱喇喇，豬骨湯稀稠剛好，一大堆新鮮海帶大蔥絕無敷衍，麵質彈牙不臨bet bet，但忘記鬆一鬆才放碗，有點一餅黐住，不過用筷子一挑即OK。最動人係d豬軟骨，鬆化不油膩，係牛內排既口感呢！份量剛好，唔會小家子氣得兩嚿！我飽成咁都連湯清晒！如果拉麵店強勢入侵堅城，恐怕只有這間吉利可以留低！
张贴
