影片
更多
2021-09-30
764 浏览
Omakase食得多已經好熟悉佢嘅套路，基本上食完一堆調味創新嘅魚生，再嚟海膽、拖羅，已經可以好滿足咁離場。 今晚帶着咁樣嘅期許嚟到，估唔到完全刷新左我對omakase嘅印象，窮果然係限制咗我嘅想像。由前菜開始已經驚為天人，水雲松葉蟹肉酸酸甜甜好開胃，蟹肉係酸汁入面都仲食到個甜味，非常新鮮。海膽豆腐一食就已經覺得值回票價，海膽十級濃郁鮮甜，可以話係最高嘅海膽甜度，朋友一啖食晒話下面個糕冇咩特別，而我分開黎食就食得出界乎海膽同蟹膏之間嘅甘香。 好耐冇食北海道白粟米，新鮮爽甜多汁。北海道白貝燒時間控制得啱啱好，僅僅熟好鮮甜，唔使任何花巧調味已經好好味。第一次食葉血引，魚鮮味濃郁，濃而不膩，但可能未到秋冬，油脂冇想像中咁豐富。 北寄貝同秋刀魚同樣咁新鮮，尤其是秋刀魚完全唔腥，平時喺其他omakase面頭都會放少少柚子之類嘅香料辟味，呢度靠原味已經取勝。三文魚籽湯葉喺眾多佳餚之中顯得較為平凡，但豆味好清香。 白見貝係今晚所有貝類入邊我嘅最愛，好鍾意有厚度嘅爽口口感。牡丹蝦好有心咁先將蝦膏輕輕烤熟，仲有tiffany blue既蝦籽。 由於想細味蝦嘅每個部份以免其中一樣太搶味，所以我係分開食嘅。
由前菜開始已經驚為天人，水雲松葉蟹肉酸酸甜甜好開胃，蟹肉係酸汁入面都仲食到個甜味，非常新鮮。海膽豆腐一食就已經覺得值回票價，海膽十級濃郁鮮甜，可以話係最高嘅海膽甜度，朋友一啖食晒話下面個糕冇咩特別，而我分開黎食就食得出界乎海膽同蟹膏之間嘅甘香。 好耐冇食北海道白粟米，新鮮爽甜多汁。
北海道白貝燒時間控制得啱啱好，僅僅熟好鮮甜，唔使任何花巧調味已經好好味。
第一次食葉血引，魚鮮味濃郁，濃而不膩，但可能未到秋冬，油脂冇想像中咁豐富。 北寄貝同秋刀魚同樣咁新鮮，尤其是秋刀魚完全唔腥，平時喺其他omakase面頭都會放少少柚子之類嘅香料辟味，呢度靠原味已經取勝。
三文魚籽湯葉喺眾多佳餚之中顯得較為平凡，但豆味好清香。 白見貝係今晚所有貝類入邊我嘅最愛，好鍾意有厚度嘅爽口口感。
牡丹蝦好有心咁先將蝦膏輕輕烤熟，仲有tiffany blue既蝦籽。 由於想細味蝦嘅每個部份以免其中一樣太搶味，所以我係分開食嘅。 最好奇嘅蝦籽原來淡淡地幾清新，主要係食個口感，蝦膏極度甘香，好似將成隻蝦嘅精華集合晒咁。 牡丹蝦身好大隻厚肉，無論香港定日本黎講都係最新鮮嘅水準，師傅咁樣處理完全完美呈現左蝦嘅每一部份。
岩手縣椿岩蠔係我人生食過最好食嘅蠔。 尤記得喺日本魚市場食過手掌咁大嘅蠔，勁飽滿又勁甜，仲以為已經係生蠔嘅巔峰，但今晚發現咗一個全新嘅世界。 椿岩蠔一咬落去同普通新鮮嘅蠔冇乜分別，但咀嚼間發現蠔肉居然好似雲朵咁軟綿綿，原來真正嘅creamy係咁樣，個分別就好似普通pancake同疏乎厘pancake咁樣。 口感特別之外，仲軟滑到隱約間有啲奶味咁，蠔鮮味亦超級濃，完全係食過返唔到轉頭。
車海老壽司做左一成熟，比起生蝦更加甜，超厚超彈牙。 Follow咗唔少日本foodie，咁多年來黎對車海老壽司都好有憧憬，呢度出品同幻想中一樣咁好食。
毛蟹好好心機拆晒蟹肉同蟹膏，係新鮮蟹肉啱啱整好嘅質感。 美中不足嘅係底下居然係飯，如果講明係毛蟹壽司一啖食哂，個落差會冇咁大。
原個紫海膽賣相極度霸氣，海膽甜度本身已經冇得輸，一絲腥味都冇。 略嫌三文魚子同鰹魚啫喱鹹咗少少，單獨咁食紫海膽已經好完美。
磯煮蟹膏鮑魚選用左厚切煙韌嘅鮑魚，雖然係比較常見嘅配搭，但用料靚啲的確係唔同啲。 龍珠果比想像中甜好多，好岩用黎清一清喉嚨。
無花果天婦羅好多汁，雖然未算係我食過最甜嘅無花果，但酸酸甜甜咁都幾開胃。
赤身醬油漬正常發揮，拖羅一咬落去油脂就盈滿口腔，大滿足。 海膽天婦羅唔會炸到熟曬，仲食到同刺身一樣嘅甜度，亦唔會俾紫菜搶味，純粹係喺甜到極點嘅海膽基礎上再加上酥脆嘅口感，做得好好。 玉子布丁表面平平無奇，但驚為天人地有綿密濃厚嘅口感，蛋味好濃又好香甜。
最後奉上魚湯同雪糕，前者令我回想起喺日本食百年歷史鰻魚飯嗰時飲到嘅湯，後者足料食到自家製嘅味道，為今晚畫上圓滿嘅句號。
张贴
