影片
更多
2021-03-24
149 浏览
今日一坐低，決定直接叫左個「特上二人前」(HKD 498)，因為依個set入面大部分野都好想食！入面有A-G既配搭，全部都係任君選擇，好自由架😍。🍽三品豆腐 (蟹籽沙律、泡菜、香芒三文魚)好中意食豆腐，依度既豆腐應該係百福豆腐黎，但加埋每舊豆腐上面既配搭，就變得超級好食！作為前菜就超正啦，清清地開一開胃先，(想講中間泡菜豆腐勁好食)。🍽松葉蟹肉香芒蟹籽沙律一定要揀依個！想話我係由細到大都超唔中意食沙律同青瓜🥲，但係依個沙律我係同朋友仔爭住食！沙律醬一啲都唔漏，青瓜切得好幼，口感好好，特別是係啲芒果，非常甜得黎一啲都唔會假，加埋蟹籽係絕配，未試過咁既配搭真係好神奇，下次黎依度如果冇套餐揀我都會單點食佢！😝😝🍽海鮮野菜天婦羅天婦羅好多人都中意食，就唔食點講啦，主要係佢炸得超香又勁脆，大大舊食得好滿足，諗返都好想食多次！😘🍽日式焗羊架拼大根漬我比較少食羊架，但因為覺得依度既食物應該唔會差所以膽粗粗叫左羊架，果然冇令我失望。一切開已經覺得個羊架靚到爆，不論係食材定係煮法都係咁靚，小小肥肉加實肉，再點啲調味，勁好食，(不過講真既係有「穌」左啲，我都還可以接受，但好怕羊穌味既朋友仔就建議唔好試佢啦
🍽三品豆腐 (蟹籽沙律、泡菜、香芒三文魚)
好中意食豆腐，依度既豆腐應該係百福豆腐黎，但加埋每舊豆腐上面既配搭，就變得超級好食！作為前菜就超正啦，清清地開一開胃先，(想講中間泡菜豆腐勁好食)。
🍽松葉蟹肉香芒蟹籽沙律
一定要揀依個！想話我係由細到大都超唔中意食沙律同青瓜🥲，但係依個沙律我係同朋友仔爭住食！沙律醬一啲都唔漏，青瓜切得好幼，口感好好，特別是係啲芒果，非常甜得黎一啲都唔會假，加埋蟹籽係絕配，未試過咁既配搭真係好神奇，下次黎依度如果冇套餐揀我都會單點食佢！😝😝
🍽海鮮野菜天婦羅
天婦羅好多人都中意食，就唔食點講啦，主要係佢炸得超香又勁脆，大大舊食得好滿足，諗返都好想食多次！😘
🍽日式焗羊架拼大根漬
我比較少食羊架，但因為覺得依度既食物應該唔會差所以膽粗粗叫左羊架，果然冇令我失望。一切開已經覺得個羊架靚到爆，不論係食材定係煮法都係咁靚，小小肥肉加實肉，再點啲調味，勁好食，(不過講真既係有「穌」左啲，我都還可以接受，但好怕羊穌味既朋友仔就建議唔好試佢啦)。💕
🍽特上2人櫻盛合 (刺身)
佢一定係依個set既大主打，每款刺身有2塊，係我同朋友仔全晚食得最耐既食物 (因為太好味，我地想陣味晌個口留耐啲哈哈)，不論係三文魚、海膽、定係鯖魚，全部都切得好靚、好厚，啖啖肉。食得人精神一振hehe，我既朋友仔話食過依度之後三個月內唔想再食爭鮮哈哈！😆
🍽黑椒和牛粒飯
依個飯其實就冇咩特別(可能因為上枱時我已經食到好飽…..)店員好好人，會幫忙拌飯，拌完仲仔細話我地知要等佢焗幾耐再食會好食啲！其實個飯都好好食架，只係飯之前啲野已經食到我地好飽，所以真係食唔曬。
最後仲任選2款甜品，我同朋友揀左朱古力雪糕同Tiramisu，雪糕好大球，好好食，勁香濃朱古力味，Tiramisu都好正，但如果兩樣一齊揀又一齊食既朋友仔建議食完Tiramisu先食雪糕，因為雪糕既濃味會蓋過左tiramisu
美中不足係店內訊號有啲差，我同朋友電話都只係得1-2格訊號，不過其實食飯專心食野唔好望咁多手機都好既哈哈🤣
张贴
