錦日本料理

同女友行淘大揾野食,誤打誤撞黎左呢間.

叫左個豚肉拉面($36),煎餃子($33)同刺身+壽司拼盤($88).

拉面多紫菜,湯底ok啦,豬肉都幾腍身.

餃子幾多肉,夠熱,不過係皮腍左少少.

刺身壽司拼盤好掂,有玉子、章紅魚壽司各2件,不知名魚壽司3件.剌身有吞拿魚2件,三文魚3件,八爪魚一件,吞拿魚2件.88蚊好抵食.

環境靜,燈光夠,係枱細張d者.

個日本侍應好好笑, 我叫佢俾個匙羹,佢用唔正廣東話"好,俾個痴線你"笑左.

值得向大家推介