彩福皇宴 (京瑞廣場1期)

营业中

休息中

日日返工沒時間去嘆一盅兩件，但一放假就想瞓到自然醒，然後去飲茶。上星期同屋企人去咗碩門彩福酒樓飲茶，一坐低即刻叫咗生滾鯛魚粥同蝦餃，鯛魚粥唔腥好鮮甜，蝦餃皮薄蝦多👍🏻除了點心外，十一點後廚房會有很多小吃，例如滷水鵝掌翼、蜆介鯪魚球、蝦多士同豉椒炒蜆等。滷水鵝掌翼好入味。蜆介鯪魚球夠彈牙，味道ok不過不失。蝦多士細細粒幾精緻，一口一件，味道不錯。今次還叫了碟豉椒炒蜆，蜆幾大隻，有驚喜，炒得好香口，真的好吃，可惜分量太少，洋蔥青椒好多。整體來講食物都幾滿意，不過客人多，侍應分身不下，個個都忙到冇乜表情，說話冷淡。幸好我們一家不太在意零service，無水自己去加都無所謂，所以應該下次都會再同家人一齊來吃。