豚王 (威靈頓街)

营业中

休息中

中環豚王外經常有條長長既人龍，難得今日lunch time時段都冇咩人，當然係要食返餐啦。menu黎黎去去都係個幾款麵，間中會推出期間限定款式，不過我連基本既都未試晒，個期間限定又唔太吸引，我都係食返個黑王吧啦。黑王個湯底真係好黑，一上枱就聞到好香。可能有人會怕食完個嘴同啲牙會黑而放棄叫呢個麵，其實飲多幾啖水就冇問題。豚王可以選擇麵既軟梗度，配料同辣既份量，所以最怕麵條太軟既我黎呢度食就唔洗怕，因為可以選麵既口感為較硬。湯底好足料又香濃，配麵食好豐富。不過最大問題係咁樣食好滯，食既時候一邊覺得好滿足一邊覺得好滯。