丼造

营业中

休息中

同朋友諗晚飯食咩好嘅時候，諗起之前食過呢間日式餐廳嘅刺生係唔錯，所以就決定晚餐嚟呢間餐廳。因為天氣凍凍地，決定食啲熱野，都有唔少套餐可選擇。丼造牛的肉質鮮嫩，唔會好肥好瘦，比一般牛肉飯好，醬汁好香好濃，撈飯一流。上面仲有流心蛋可以撈飯。朋友好鍾意食燒三文魚鮫，所以額外叫了做餸。外皮烤得酥脆，少焦香，仲有甜醬豉油&沙律菜食下，平衡返個味道&油膩感。自己就食燒三文魚扒配白飯，魚肉的油脂分布均勻，烤至金黃，魚肉的鮮甜在口中融化，搭配一點檸檬汁，好正好好食。套餐原先送汽水，但加錢轉了做鯛魚湯。魚湯清淡鮮美，湯底的鮮味恰到好處。