花天酒地 (已結業)

真係唔知點解呢間餐廳係openrice ”正在裝修中”。 其實之前已經路過幾次， 所以唔知佢係新開張定新裝修。今日路過， 只因有枱，通風良好，想幫襯下啲小店、想靜靜地食一餐午餐，見門口個餐牌有幾味餸都想食，自自然然就行咗入去。上來開飯網見到冇食評覺得好奇怪。花天酒地門口個午餐 menu 有好幾款菜式，我叫咗個卡邦尼意粉， 所有午餐 $78 有主菜奉送羅宋湯 ＋咖啡或茶， 午餐唔收加一， 屬於銅鑼灣區西餐午餐嘅市價。 卡邦尼意粉有真芝士味同煙肉， 食得出廚師應該有去過 culinary school，而老闆亦都唔係慳料之徒（比如以白汁代替芝士）， 芝士、煙肉、意粉三種材料的比例剛好，交足貨 。店員亦都好用心清潔餐廳，餐廳清潔。 餐廳內通風良好， 客人與客人中間有足夠社交距離，食得安心。 下次肚餓再路過會繼續光顧。