影片
更多
2010-12-30
31 浏览
今日唔想再食樓下「美xMX」雙送飯，於是走遠d，睇下中、上環個頭有d乜野好野食先~由愛丁堡廣場出發，邊走邊看，不知不覺，走到去「蓮x樓」。其實都有入過去「」下，但裡面一到中午就好似打仗咁! 壓迫感實在太強! 做攝石人都攝唔入~之後又行下睇下，竟然又去翻上次食「九x」個條街，心諗:「咁次都係整定要試"蕃茄麵"架喇~!」終於，我決定今個午餐要食「勝香園」既「蕃茄牛麵」(成一點搭五個半字喇~再唔食真係唔洗食架喇~)企左一陣，阿姐問我係咪一個人，我話:「係阿~一個人~」阿姐主動幫我攝到個外圍位，等都唔洗等。坐低，叫野食，見有個妹妹叫鹹檸七，我又跟風叫一杯; 想試「蕃茄牛肉麵」，又掛住「五香肉丁」，索性叫「蕃茄牛肉五香肉丁麵」。佢地既「鹹檸七」真係真材實料! 鹹檸成份勁多，上檯前已成「鹹檸蓉」加多兩片檸檬，便於與「雪碧」攪混; 第一啖真係勁鹹! 正到爆!「鹹檸七」好快就到左，但個「蕃茄牛肉五香肉丁麵」等左十分鐘都仲未黎~(見住隔離左右d麵呀、通粉呀都到晒，我個都未到，都有d心急架~!)終於，係第十五分鐘，我個麵到左喇~個麵一黎到，一睇個麵就覺得，個麵好有層次: 個頂係「五香肉丁」; 第二層就係
由愛丁堡廣場出發，邊走邊看，不知不覺，走到去「蓮x樓」。
其實都有入過去「」下，但裡面一到中午就好似打仗咁! 壓迫感實在太強! 做攝石人都攝唔入~
之後又行下睇下，竟然又去翻上次食「九x」個條街，心諗:「咁次都係整定要試"蕃茄麵"架喇~!」
終於，我決定今個午餐要食「勝香園」既「蕃茄牛麵」(成一點搭五個半字喇~再唔食真係唔洗食架喇~)
企左一陣，阿姐問我係咪一個人，我話:「係阿~一個人~」阿姐主動幫我攝到個外圍位，等都唔洗等。
坐低，叫野食，見有個妹妹叫鹹檸七，我又跟風叫一杯; 想試「蕃茄牛肉麵」，又掛住「五香肉丁」，索性叫「蕃茄牛肉五香肉丁麵」。
佢地既「鹹檸七」真係真材實料! 鹹檸成份勁多，上檯前已成「鹹檸蓉」加多兩片檸檬，便於與「雪碧」攪混; 第一啖真係勁鹹! 正到爆!
「鹹檸七」好快就到左，但個「蕃茄牛肉五香肉丁麵」等左十分鐘都仲未黎~(見住隔離左右d麵呀、通粉呀都到晒，我個都未到，都有d心急架~!)
終於，係第十五分鐘，我個麵到左喇~
個麵一黎到，一睇個麵就覺得，個麵好有層次: 個頂係「五香肉丁」; 第二層就係「蕃茄加蕃茄醬」，湯面仲有層「橙紅色」、「閃閃發光」既「茄油+丁油」。睇唔到d牛肉，應該係俾d蕃茄遮住; 最下層就係d麵同湯底。
因為d湯好滿，張檯又斜，我即刻用個匙羹飲幾啖湯先......依~湯還湯，茄還茄原來個湯底並唔係蕃茄湯底......於是，我就係腦海入面，盤算著、推測著個碗麵係點整: 首先，將漉好既麵放落碗，之後放牛肉，再放湯底，然之後先落「蕃茄+蕃茄醬」，最後先係頂度加「五香肉丁」。(係呀，我睇住個伙計最後加肉丁落去架。)同我自己係屋企煮既方法唔同。
「五香肉丁」係我配「公仔麵」既至愛! 今次既肉丁，有肥又有瘦: 肥既夠香口，瘦既夠實在。
撩開d「肉丁」同蕃茄，就會見到「牛肉」喇~幾多下，幾嫩口，同「鬆化」。但嫌太散太細塊，如果可以大塊d就好喇~
我碗麵有好多蕃茄下，但唔係碗碗都係咁架(我隔離檯位妹妹就噪緊點解佢咁少蕃茄喇~)，算我好彩？淋晒既蕃茄，配合「牛肉」、「肉丁」同「公仔麵」都好夾!
「公仔麵」爽滑，唔會煮到太淋，呢樣就係佢地煮左咁耐「蕃茄麵」既經驗。
食到中段，再飲d湯，依~又唔同左味~依家d湯充滿左蕃茄味，名正言順係「蕃茄湯」喇~真係好想飲晒d湯佢。不過，因為之前杯「鹹檸七」又咁大杯，依家碗麵又咁大碗，真係飲唔晒d湯，可惜!
我隔離兩位妹妹就叫左一碗麵兩個人分，阿姐仲主動問妹妹要唔要多個碗仔添~!佢地仲叫多三碟「檸蜜脆脆」，同兩杯野飲~果然後生可畏~!
個「蕃茄牛肉五香肉丁麵」真係又好食，又抵食，仲岩晒冬天食!
女士食左會「暖笠笠」，我食左之後，成身興晒~
不過，返到office，都幾口渴架，哈哈~
张贴
