MEMOIR (已結業)

想喺銅鑼灣食lunch，即刻就諗起登龍街，又想book到位又想有lunch set，終於就嚟咗Memoir，一出電梯已經覺得冇揀錯😍好多乾花嘅裝飾好有型嘅招牌燈，已經忍唔住手要打卡📷餐廳入邊都係好靚好舒服，空間感好好，完全唔會比隔籬枱騷擾到👍🏻試咗佢lunch set嘅菠菜汁煙三文魚扁意粉- 包沙律同嘢飲，價錢已經覺得幾抵，食完更加覺得佢嘅性價比好高👍🏻沙律醬清新，扁意粉做的有口感，每條意粉都有滿滿醬汁，而醬汁真心做得好好味😋另外試咗佢嘅signature，喺主餐牌入邊，但係嚟到就好想試吓慢煮法國油封鴨髀- 一見到賣相已經好驚喜， presentation好靚😍，慢煮令鴨脾肉質好嫩滑好入味，而佢嘅伴碟入邊有醃蘿蔔同石榴粒，令到一齊食嘅時候完全平衡肉類嘅油膩，果然係佢嘅signature蜜桃薄荷特飲- 飲品嘅presentation都係超靚，味道亦好清新總括嚟講，Memoir食物好味之餘，presentation亦好靚，特別係佢嘅lunch set真係性價比超高，cafe坐得舒服，而喺唔同嘅角落都有唔同嘅打卡小配襯，真係好值得再嚟