裕鵝莊 (已結業)

夜晚黎食，星期五晚七點幾間舖都接近全空，開頭諗住係因為肺炎少左人出黎食野先咁，再加上睇左有youtuber讚好食所以有信心，點知就係咁中左大伏。入到去叫左個下庄同碗白飯，本身想叫埋鵝肝但咁岩冇。燒鵝既皮完全唔脆，應該擺左好耐，而且肉唔多，好多都係骨。白飯就好離譜，成碗有一半都係粥狀既，根本唔食得。服務方面就正常既，都有得閒黎倒水，正正常常不過不失啦。不過咁既食物質素咁既價錢(埋單二百幾)真係好唔抵，一定冇下次！