慶吉家 (已搬遷) 新店位置

一條短短的交加里竟然有咁多的食肆，感覺好似一個室外的美食廣場。是日唔知食咩好，最好解決辦法當然係去交加里，咁多唔同選擇，總有一間啱食掛? 之前食過新記、Rose同腸粉皇，今次就試下這間翻版吉野家。不但名好相似，連門外嘅招牌都係用上橙底黑字的。交加里的舖頭特點係好細，所以地方比較淺窄，都係意料中事。本來係有人同我地兩個搭枱的，但可能友人太興奮（也太大聲）咁同我講佢喺外國嘅趣事，將佢地嚇到搬左枱...望望餐牌，發覺都有幾都唔同選擇。當然有吉野家都有嘅牛肉飯、雞扒飯，除此之外仲有餃子、拉麵等等，以佢咁細嘅地方真係好多選擇，犀利。最後選擇了寫住係「人氣之選」嘅牛肉飯（之後從友人口中發現依間野係新開，何來「人氣之選」依回事? =.=）。牛肉飯用嘅肥牛都係一塊塊，唔似得吉野家咁「一絲絲」，絕無欺埸。肥牛幾入味，夠晒林。麵豉醬亦都夠多幾好味，而洋蔥嘅份量亦都不多不少。成碗飯的份量幾多，絕對食得飽。老闆娘(?)一直笑容滿面，態度非常親切，有一種小店嘅溫暖。唔係話超級好食，但所有野嘅配合令到依餐食得好開心，亦都同冇見一陣子嘅友人傾得好開心。下次想食日式快餐，不妨去去吉野家...對面馬路的慶吉家試一試。