影片
更多
2008-12-23
15 浏览
約咗喪食兵團去《HIPOT》打邊爐, 六點幾到唔洗等位, 坐四人卡位。我哋餓到個肚 “鼓鼓” 聲, 快快脆睇吓有咩食先, 望住張火鍋紙揀料, 毫無頭緒食咩好, L揀咗個 “一人前火鍋餐” 包括湯底 ($98), 侍應話份量都幾多下, 夠兩個人食, 我同Y唔叫嘢住, 耐心等候L個餐, 睇睇有幾多嘢先, 如果抵食就叫餐。個餐嚟到, 都唔係好多啫, 又冇烏冬, L話自己一個人都唔夠食啦, 仲話夠二個人食, 實在太睇小我哋。湯底方面, L要蕃茄豬骨, Y要皮蛋莞茜, 我要海底椰竹絲雞, 個煲咁細, 湯底嘅材料份量自然都少, 豬骨得一件, 莞茜有幾條, 竹絲雞得二件, 其實食唔到有咩材料味, 同清湯無乜分別。唔知點解每張枱都無Menu, 見到隔離枱有彩圖Menu睇, 即刻問侍應攞嚟睇睇先, 有相睇果然係唔同, 食欲大增, 好快就揀到想食嘅嘢。瘋狂地剔剔剔, 一次過叫咗．．．．．．極級肥牛($48)雪花蚌及珊瑚蚌($38), 雪花蚌幾爽甜鮮蝦丸及墨魚丸($38)魚皮餃及米餃($28), 米餃外型似水餃, 原來用糯米做饀, 幾特別鮮滑肥牛($28)粟米及秀珍菇($18)炸魚皮($18)脆鯇片($18
我哋餓到個肚 “鼓鼓” 聲, 快快脆睇吓有咩食先, 望住張火鍋紙揀料, 毫無頭緒食咩好, L揀咗個 “一人前火鍋餐” 包括湯底 ($98), 侍應話份量都幾多下, 夠兩個人食, 我同Y唔叫嘢住, 耐心等候L個餐, 睇睇有幾多嘢先, 如果抵食就叫餐。
個餐嚟到, 都唔係好多啫, 又冇烏冬, L話自己一個人都唔夠食啦, 仲話夠二個人食, 實在太睇小我哋。
湯底方面, L要蕃茄豬骨, Y要皮蛋莞茜, 我要海底椰竹絲雞, 個煲咁細, 湯底嘅材料份量自然都少, 豬骨得一件, 莞茜有幾條, 竹絲雞得二件, 其實食唔到有咩材料味, 同清湯無乜分別。
唔知點解每張枱都無Menu, 見到隔離枱有彩圖Menu睇, 即刻問侍應攞嚟睇睇先, 有相睇果然係唔同, 食欲大增, 好快就揀到想食嘅嘢。瘋狂地剔剔剔, 一次過叫咗．．．．．．
極級肥牛($48)
雪花蚌及珊瑚蚌($38), 雪花蚌幾爽甜
鮮蝦丸及墨魚丸($38)
魚皮餃及米餃($28), 米餃外型似水餃, 原來用糯米做饀, 幾特別
鮮滑肥牛($28)
粟米及秀珍菇($18)
炸魚皮($18)
脆鯇片($18)
田園一碗蔬($48), 材料新鮮, 唯一賣相最好
火鍋料多數用細小嘅長方盒裝, 好慳位, 碟邊冇配菜或擺設, 最多只有一塊菜在底, 材料也是亂放, 整體上賣相麻麻。勝在份量少, 仲有個好處就係雙併同單併都係一樣價錢, 可以多叫幾款。
仲可以加$10任飲及任食糖水, 飲品有汽水、酸梅湯及雪梨茶, 我極力推介酸梅湯, 味道比任何火鍋地方的好, 唔會太甜, 有濃濃酸梅味, 好開胃, 正!
糖水有芝麻糊豆腐花 - OK, 唔會太甜, 馬蹄露 - 甜咗啲, 紅豆沙 - 無食。
大致上食物都唔錯, 服務都ok, 坐得舒服, 唔會好迫好熱, 可以Encore。
注意, 人數多未必有一人一爐, 坐圓枱只有一個爐。
张贴