影片
更多
2020-09-04
2062 浏览
自從五月食過之後 ，因為疫情反反覆覆 ，都冇機會再食放題 。近日疫情好似有啲好轉就約咗一位朋友 去瀛豐食放題，其實本來朋友話去嗰度食我都有啲擔心，始終上次佢哋嗰啲壽司刺身甚至泰國嘢完全唔掂，可能因為上次 太多人去食，連電梯大堂都企滿人。今次上到去，可能因為限制令，人數少咗大半，電梯大堂冇人排隊。好有緣分 ，我哋入返嗰間房仔去食。一嚟就叫番個刺身拼盤先，刺身冇上次咁凍，但係少咗個雪味，唯一慶幸嘅，就係佢哋嘅馬刀貝依然新鮮，一嚟就寫30份，一啲都唔過份。刺身方面，只有大蝦，冇左甜蝦，同埋仲有嗰個好難食嘅泰式生蝦。 赤貝叫咗成晚，先至嚟咗一盤，都叫新鮮嘅有少少腥味。三文魚就仲犀利，我懷疑佢個師傅係川菜系嘅，佢造緊「燈影牛肉」咁嘅款，真係薄到可以做間尺。至於泰菜方便就更加失望，除咗嗰個泰式炒蜆叫做有少少味，嗰個曾經令人譁然既金邊粉，已經變咗做當日一別唔會再叫嘅指定菜式，無論色水味道香料配菜麵質無一樣合乎心水， 簡單啲理解，我會叫佢做「西炒河」。另一樣失望，嘅仲有原隻嘅蝦天婦羅， 係呀佢個粉漿夠薄呀，但係一啲空氣都冇，咁你聯想下有啲乜嘢，可以包住一啲空氣都冇嘅，依家食蝦天婦羅，唔係食真空包裝。個
近日疫情好似有啲好轉就約咗一位朋友 去瀛豐食放題，其實本來朋友話去嗰度食我都有啲擔心，始終上次佢哋嗰啲壽司刺身甚至泰國嘢完全唔掂，可能因為上次 太多人去食，連電梯大堂都企滿人。
今次上到去，可能因為限制令，人數少咗大半，電梯大堂冇人排隊。好有緣分 ，我哋入返嗰間房仔去食。一嚟就叫番個刺身拼盤先，刺身冇上次咁凍，但係少咗個雪味，唯一慶幸嘅，就係佢哋嘅馬刀貝依然新鮮，一嚟就寫30份，一啲都唔過份。
刺身方面，只有大蝦，冇左甜蝦，同埋仲有嗰個好難食嘅泰式生蝦。 赤貝叫咗成晚，先至嚟咗一盤，都叫新鮮嘅有少少腥味。三文魚就仲犀利，我懷疑佢個師傅係川菜系嘅，佢造緊「燈影牛肉」咁嘅款，真係薄到可以做間尺。
至於泰菜方便就更加失望，除咗嗰個泰式炒蜆叫做有少少味，嗰個曾經令人譁然既金邊粉，已經變咗做當日一別唔會再叫嘅指定菜式，無論色水味道香料配菜麵質無一樣合乎心水， 簡單啲理解，我會叫佢做「西炒河」。
另一樣失望，嘅仲有原隻嘅蝦天婦羅， 係呀佢個粉漿夠薄呀，但係一啲空氣都冇，咁你聯想下有啲乜嘢，可以包住一啲空氣都冇嘅，依家食蝦天婦羅，唔係食真空包裝。個燒菠蘿仲犀利，我哋叫咗兩份，有一份係完全冇燒過㗎。
不過最伏㗎，唔算係刺身、壽司，炸物嗰啲都算啦，竟然冇咗好好食嘅烏冬，都算啦。最難食嘅係，佢哋入咗一隻橙汁係內地製造㗎，而嗰隻橙汁，係得力素味㗎！
每位$299再加一，比起全盛時期的確差咗。但今次上到去，尚算合格。特別係我覺得佢哋嘅皮蛋、海南雞 、同埋炒椰菜 都ok。
刺身有象拔蚌，赤貝，馬刀貝，三文魚，希靈魚都叫齊全。希望佢哋可以吸收意見，快啲搵返個好啲嘅泰國廚返嚟 。
值得一讚既係，佢哋嘅同事一如以往態度非常好，呢樣仲係值得讚嘅。唔甩單又有禮貌算係甘。
馬刀貝刺身
$330
24 浏览
0 赞好
0 留言
23 浏览
0 赞好
0 留言
张贴
