Cô Thành (已搬遷) 新店位置

平日晚上8點去到都幾full ,好彩侍應搵到3個位俾我地,呢度setting 比較casual ，有少少街邊檔感覺。外國客比較多。無乜idea 食乜,偷聽隔離枱話一定要試個粉，粉唔係平時越南pho質地，所以叫咗牛粉同蝦粉share ，用上似米線嘅粉，牛粉嘅牛丸牛味濃 ，有牛腸同生牛肉，足料，湯頭好濃，唔係平時生牛河咁淸。蝦粉蝦夠大隻幾甜，仲有燒腩肉，但湯頭感覺同牛粉差唔多。另外叫咗個越式法包，法包夠脆，料有扎肉及肝醬，仲有青瓜蘿白，非常咸香，但中間唔知加咗辣椒，突然有一口充滿辣味，我同朋友都在毫無防備下中招。春卷都幾香脆，共5件，不過不失。粉同法包味道唔錯，但未令到我有想再幫襯嘅衝動。