築地日本料理 (金百利廣場)

营业中

休息中

今次特登寫呢個食評，係因為今次真係有史以來食過最足料嘅牛肉鍋！初初入來食lunch無咩大期望，諗住叫個牛肉鍋一定無死，上菜嗰陣都唔覺好特別，點知發現佢入面有十幾片牛肉，真係好誇張！除左配菜外，仲有大量菇類、芋絲、豆腐等等，十足好似自己屋企打邊爐咁樣。至於朋友就叫左幾款壽司，都係好食嘅，尤其佢地嘅花之戀有好多唔同類型嘅選擇，可以配蟹膏之類，變化比較多。當然，唔夠個牛肉鍋吸引，最後我地兩個食到捧住肚落樓。