馬場洞烤肉專門店 (新城市廣場三期) (已結業)

有一間好特色嘅韓式燒肉餐廳，喺沙田新城市嗰邊三期，個環境都幾靚！餐牌都有好多選擇！感覺好專業，難怪喺呢個市況都咁多客人⋯ （當然佢啲位置係鬆動的，所以感覺都好安全）不得不提佢五款前菜，泡菜就比較酸酸地好開胃，青瓜醃左都好香，仲有非常開胃酸酸地嘅沙律菜，香甜脆麵包及豆卜。菲力牛排🥩本身會見到一大件，個花紋都幾靚，店員建議可以先比廚房處理一下，整熟咗嗰邊，我哋處理嘅時候就更加方便同埋有口感，牛香十足而且軟林林。特選黑毛豬肩肉有醃制，個味道調配得幾香，油香十足。最正就係個燒爐佢有一邊係要來燒肉，另外一邊有個不鏽鋼架係可以放住啲食物之餘又唔使攞出嚟攤凍晒，亦都唔會燒到窿。最後藥膳養生石鍋飯上嘅嘅時候係分開嘅，但係之後撈埋一齊食，個藥膳嘅味道都幾清新。