金紫荊生記粤菜廳

营业中

休息中

最近有朋友仔慶祝生日，就揀咗一間中菜廳，位於金紫荊廣場嘅金紫荊生記粵菜廳係由生記主理，有米芝蓮級數。 當中食咗最特別嘅係火焰雞，鹹香十足鹽焗雞裏面仲釀有唔少配料，豐富而且雞肉入味，質感仲好嫩滑！黃老太梅子蒸蟹蟹肉鮮味十足，加上個汁酸酸甜甜好開胃。生煎手剁蓮藕餅口感香脆，蓮藕味道突出而且生煎特別香。 香蔥海鹽馬友呢款魚其實都算高級，質感好滑完全冇骨，帶有鹹香但係唔會遮蓋到鮮味。堂灼太白醉翁海中蝦啲蝦真係生歐歐飲酒，所以個味道係特別香嘅酒味，而且好爽口新鮮。焦糖黑毛豬叉燒焦糖味好突出，最緊要係黑毛豬叉燒個質感唔錯，肉味香。一口金錢雞（跟蝴蝶餅夾著吃）非常特別，款雞好似係有雞肝，亦有肥有瘦，加上表面嗰塊蝴蝶餅係中式包皮，配搭就唔會咁膩。香蔥鮑魚砂鍋焗飯大大份，裏面有好多鮑魚粒粒，鮮味十足，而且焗飯質感比較乾身，粒粒均勻入味呢！我哋仲帶咗個蛋糕嚟，切餅費只係幾十蚊，最緊要大家食得開心滿足，有氣氛又可以對住金紫荊/海景打卡紀念！我見好多人仲有包房，私隱度就更加高啦！