韓燒大叔

营业中

休息中

好耐無食韓燒放題，放題款式多又可以任食，今日帶埋媽媽一齊去試吓呢間餐廳。餐廳位置鄰近地鐵站，店內環境新淨、清潔、舒適，重要是食完唔會全身都有油煙味。 晚市韓燒放題298元一位，120分鐘（海鮮刺身任食另加88元）。食物包括：肉類、熱食、蔬菜、甜品、飲品……等等。😋餐廳使用QR code點餐，是日推介： 1️⃣美國安格斯下肩胛肉 🍽油花分佈均勻而不油膩，肉質較結實，牛肉味濃郁。 2️⃣紐西蘭羊肩肉 🍽肉質嫩滑，羶味少，羊肉控必試。 3️⃣韓式豬頸肉🍽店員推介，豬頸肉夠入味，口感爽脆有彈性。 4️⃣澳洲穀飼安格斯牛板腱🍽肉質軟嫩，油花醇厚。5️⃣爆谷 🍽即場新鮮製作，甜度剛好，粒粒都香脆可口。