有口福

营业中

休息中

第一次黎，唔知點咩好。老闆娘叫我試下炸豆腐，佢話唔係成日有的。我信佢點左黎試下。一上菜，男朋友先食，係咁話好味，好味，好味。到我食個時，係好脆，不過無味嘅。男朋友示意叫我點下個汁，汁微酸，面頭有啲韭菜｡點完個汁，味道完全唔一樣。炸豆腐嘅油膩同熱氣感冇左，黃豆嘅香都出返黎，完全無誇張。再點左酸辣魚皮，佢唔喺成塊魚皮上，而係切好一絲一絲咁，顯示到師傅嘅刀功，配埋莞茜，青瓜，芝麻，配酒一流。主菜我叫左個酸菜魚，老闆話如果怕多骨，可以叫kim魚(我唔識打)｡個餸仲可以好似打邊爐咁，加其他餸一齊煮。我加左海帶條，金菇同萵笋。條魚無骨又好滑，平時怕食到魚骨嘅男朋友都係咁食。個湯嘅酸度岩岩好，其他配菜又吸晒湯汁，真係好好味。到夜d個陣，廚師仲會出黎同d客吹水。黎過之後，我終明白點解間野叫「有口福」。我已經約左男朋友屋企人黎試菜了。