太平館餐廳

营业中

休息中

幾年冇嚟，突然間諗起，就即管試吓。感覺冇乜特別，冇差到，反而我覺得服務仲幾好添。記得上次嚟，仲要喺樓梯排隊等位，今次當然唔使，不過上到去都有八成枱係有人坐嘅，未至於太冷清。今晚唔係太肚餓，所以冇叫套餐，只係散叫咗乾炒牛河、焗蟹蓋、乳鴿。乾炒牛河今晚煮得幾好味，唔太油，河粉夠乾身，幾香。焗蟹蓋就最欣賞嘅，百食不厭，口感豐富，滿滿嘅蟹肉釀咗落個蟹蓋🦀度，焗得好香👍🏻。乳鴿都冇退步到，好鍾意佢哋將乳鴿內臟另上，再配上美味嘅汁，雖然知道膽固醇高，但係都忍唔住食晒😜餐廳內嘅服務員大多數係上咗年紀嘅，但佢哋都招呼周到，每一枱客走佢哋都會即刻用吸塵機吸走啲垃圾，亦都成日埋嚟主動添茶同埋更換餐具，服務都算貼心。