寿司の神 (已結業)

Farewell朋友諗住來這裏食omakese，因為前幾個月食過覺得QPR唔錯，結果今次奶咗嘢。鮮嚟第一個刺身，係厚岸蠔，算新鮮但質感帶啲粉。一上嚟先問師傅上面有啲咩調味，師傅話有啲辣蘿蔔蓉，一食落去差唔多係完全冇調味，如果師父加少少豉油或者醋味道會好好多。好過加啲冇鬼用嘅金箔。再來係日本響螺，又係調味不足，最初有點腥，但叫師傅加啲岩鹽後即刻好返好多。秋刀魚刺身好普通，唔特別鮮，亦無腥味，但吃到有魚鱗，講完。到壽司環節，吃完第一嚿個心已經涼曬，啲飯凍嘅，仲有啲飯係冇乜咬口，其中有啲仲好似係漿糊口感。食完全餐之後終於揭開謎底，見師傅將食淨嘅飯用保鮮紙包好應該留返聽日用。最後出咗兩件大拖羅，都係火炙，表現方式比較單一，表現唔到廚師發板嘅精神。全晚最好吃係煙燻鰤魚同埋牡丹蝦壽司。畀幾個月前食嗰次加咗一百蚊。加價事少，但質素大幅下降。跌入永不光顧清單。