名館 (已結業)

呢間中菜館以木色 & 藍色為主調｡餐牌設計都非常特別｡牆上用唔同顏色嘅小蒸籠做裝飾｡每個餐碗上都印有一句情心短句｡有別於一般中菜館, 店員唔會問你開咩茶飲, 而係一坐低就會遞上一杯金黃色嘅蕎麥茶, 蕎麥茶係新一代無咖啡因健康茶飲, 有助降血脂、降血糖、降糖尿, 女士飲仲可以防水腫添 !!厚切叉燒皇厚切嘅叉燒黎到仲係熱辣辣, 肉質有肥有瘦, 口感唔會 “實的的”, 夠晒鬆軟, 蜜汁味香濃｡蜂蜜柚子蝦球裝飾得好精緻, 蝦球炸到非常香脆, 肉質仍然好爽口, 外層粉漿唔會好厚, 醬汁用蜂蜜 & 柚子調教而成, 蝦球沾上酸酸甜甜嘅醬汁, 開胃得黎又唔油膩｡老鼠愛大米賣相非常得意嘅點心, 外型係 3 隻白色小老鼠｡ 外層用糯米做成, 口感非常煙靭, 入面餡料係用雞肉碎整成, 餡料味道有 D 似食潮州粉果咁｡金銀蒜蒸勝瓜金菇勝瓜用金銀蒜清蒸令清甜味更加突出, 連埋 D 金菇一齊食更可增加口感｡私房金黃球泡飯白飯先搓成球形, 然後拎去煎, 煎到外層變成飯焦, 再放落去 D 湯度｡ 白色嘅湯底材料非常豐富, 有蕃茄、粟米、芫茜、青蔥、毛豆 & 肉碎, 味道清甜, 連埋個又香又脆嘅飯球一齊食簡直係一流｡烏