影片
更多
2018-02-01
123 浏览
這一陣子在FB和IG都經常見到朋友Post這間餐廳的照片，已經心郁郁想黎試下。這2天又見到媒體報導話餐廳出了左新菜式，心諗：我真係慢人幾拍呀。。。。都已經出左新菜式但我仲未去，於是「的」起心肝拎起電話趕快Book位，幸好仲有最後一張枱，睇黎真係唔去唔得啦XD7點半去到幾乎已經滿座，隔離枱係日本人，我地坐低就馬上睇Menu㨂野食（其實已經做定功課有DD心水），最後我地點左招牌既八爪魚花丸燒，新Menu富士蘋果小丸燒同4式芝士麻糬御好燒，當然唔少得既仲有燒汁牛肋肉，同埋加左一份來自法國的Raclette芝士。。。飲品就叫左桂圓紅棗枸杞茶同生啤，有人話食燒肉要配生啤先好味喎～先講小丸子～第1次自己動手燒，一開始都幾擔心，但餐廳好細心，除左有張貓紙有哂步驟之餘，仲有部電視不停播住點樣整，只係睇字唔明仲有Video睇，跟足個步驟其實唔算太難整，因為係整既過程中原來唔駛太介意個賣相，因為最後都可以碌到又圓又大既小丸子。拿拿拿，有圖有真相呀！！招牌既八爪魚花丸燒因為裡面有大大粒年糕，除左食到八爪魚既彈牙，仲增加左煙韌的口感，真係估唔到咁夾呀！新Menu既富士蘋果小丸燒，燒緊個時已經聞到飄來陣陣蘋果既
7點半去到幾乎已經滿座，隔離枱係日本人，我地坐低就馬上睇Menu㨂野食（其實已經做定功課有DD心水），最後我地點左招牌既八爪魚花丸燒，新Menu富士蘋果小丸燒同4式芝士麻糬御好燒，當然唔少得既仲有燒汁牛肋肉，同埋加左一份來自法國的Raclette芝士。。。飲品就叫左桂圓紅棗枸杞茶同生啤，有人話食燒肉要配生啤先好味喎～
先講小丸子～第1次自己動手燒，一開始都幾擔心，但餐廳好細心，除左有張貓紙有哂步驟之餘，仲有部電視不停播住點樣整，只係睇字唔明仲有Video睇，跟足個步驟其實唔算太難整，因為係整既過程中原來唔駛太介意個賣相，因為最後都可以碌到又圓又大既小丸子。拿拿拿，有圖有真相呀！！
招牌既八爪魚花丸燒因為裡面有大大粒年糕，除左食到八爪魚既彈牙，仲增加左煙韌的口感，真係估唔到咁夾呀！新Menu既富士蘋果小丸燒，燒緊個時已經聞到飄來陣陣蘋果既香味，未食都已經垂涎三尺了。。。中間既餡係落蘋果，食落甜甜地，好清新，蘋果味都好濃郁。至於Raclette芝士，原來可以自己㨂加係是但一樣野食到，我地就㨂左落係小丸子到。店員見你燒得7788，就會同你講會預備芝士，因為係另加既關係份量係50g，所以唔係原個芝士出，但見到個芝士溶左個一刻，除左「心花怒放」之外都唔知點形容好喇，興奮到連相都唔記得影啦。。。說時遲那時快，芝士已經舖左落小丸子到啦，個爐仲開住架，D芝士熱到好似熔岩咁，真係十分邪惡呀～～～個人認為芝士配年糕小丸子夾D，除左口感關係，仲因為芝士帶少少鹹既關係，會Kum左蘋果既甜味～
4式芝士麻糬御好燒，本身已經有芝士係個御好燒到，仲會有另外一碟可以燒好後可以Sum係面到，製作相對小丸子簡單，最緊要原來唔止係反個一下，落個一下都好重要，因為Size不能太大，唔係會好易散。味道同口感都唔錯，啖啖爽口椰菜好健康，亦都食到麻糬既口感。
牛肋肉既雪花唔錯，燒汁亦都好充足，好入味，一啖肉一啖啤酒都真係幾爽下～哈
驚喜既係花茶既好飲又悅目，仲有個火熱住，幾時飲都咁暖笠笠
原來生日訂位有佈置，影相夠哂排場啦～
最後值得一讚既係，當晚座無虛席，都有成10幾張枱架，但我地就見到只有一位女侍應在場，見到佢跑黎跑去都替佢辛苦，但即使忙到咁，都未見佢黑面或衰聲，好好笑容，每次行過都會睇下客人燒成點，仲好有耐心講解俾你知點樣先可以燒靚個小丸子。而家真係好少後生女咁敬業樂業！抵讚！
八爪魚花丸燒
$65
12 浏览
0 赞好
0 留言
Raclette芝士
$48
17 浏览
0 赞好
0 留言
4式芝士麻糬御好燒
$108
26 浏览
0 赞好
0 留言
燒汁牛肋肉
$98
10 浏览
0 赞好
0 留言
桂圓紅棗枸杞茶
$42
15 浏览
0 赞好
0 留言
张贴
