影片
更多
2016-11-16
189 浏览
今日約左fd黎呢間火鍋店試下香港噶台式涮涮鍋，之前係台灣食過類似噶覺得唔錯，所以想試下香港噶。一去到，等左一陣就有位，餐廳環境都唔錯，略嫌燈光較暗。一坐低，店員就送上前菜，一個係麻醬手撕雞，一個係麻辣木耳，個麻辣木耳真係好惹味，因為係任食噶，所以我食左幾碟。我地要左極上吃到飽套餐。調味料都幾多。我地點左個三杯雞煲，因為比較特別。我地食得出d雞有燉過，因為好入味。湯底料都好多，有菜有菇，有墨魚丸，魚餅同豆卜。d食物同野飲上得好快，海鮮拼盤，牛頸脊肥牛片，火鍋拼盤，手工即炸響鈴卷拼手工即炸魚皮，仲有盤栽珍珠奶茶檸檬忌廉冰，兩杯都好大杯。個牛頸脊肥牛片都幾厚下，雖然有小小硬，但都有牛味。海鮮拼盤都幾豐富，有花甲王，刀背蜆，游水大鬼蝦，白鱔片，脆鲩魚腩，脆鲩魚片，極大生蠔。d海鮮都幾新鮮，蝦同刀背蜆都好好味，個生蠔手掌甘大啊，食落都幾鮮甜，無沙。個手工火鍋拼盤都好多料，個人覺得最好食就係黑松露系列，黑松露蟹肉餃真係無得頂，松露味好濃郁。個太極冬菇口感都幾得意，可以一試。手工響鈴卷好好味，同平時食噶好唔同，呢個甜味好足，又夠大件。最後噶甜品係木糠珍珠奶茶布丁，有d過甜，不過都幾特別，真係好似飲緊
一坐低，店員就送上前菜，一個係麻醬手撕雞，一個係麻辣木耳，個麻辣木耳真係好惹味，因為係任食噶，所以我食左幾碟。我地要左極上吃到飽套餐。
調味料都幾多。
我地點左個三杯雞煲，因為比較特別。我地食得出d雞有燉過，因為好入味。湯底料都好多，有菜有菇，有墨魚丸，魚餅同豆卜。
d食物同野飲上得好快，海鮮拼盤，牛頸脊肥牛片，火鍋拼盤，手工即炸響鈴卷拼手工即炸魚皮，仲有盤栽珍珠奶茶檸檬忌廉冰，兩杯都好大杯。
個牛頸脊肥牛片都幾厚下，雖然有小小硬，但都有牛味。
海鮮拼盤都幾豐富，有花甲王，刀背蜆，游水大鬼蝦，白鱔片，脆鲩魚腩，脆鲩魚片，極大生蠔。
d海鮮都幾新鮮，蝦同刀背蜆都好好味，個生蠔手掌甘大啊，食落都幾鮮甜，無沙。
個手工火鍋拼盤都好多料，個人覺得最好食就係黑松露系列，黑松露蟹肉餃真係無得頂，松露味好濃郁。個太極冬菇口感都幾得意，可以一試。
手工響鈴卷好好味，同平時食噶好唔同，呢個甜味好足，又夠大件。
最後噶甜品係木糠珍珠奶茶布丁，有d過甜，不過都幾特別，真係好似飲緊珍珠奶茶甘。
總括而言呢間餐廳都唔錯，個質素絕對對得住呢個價錢啦。一定會再幫襯。张贴
