漢發麵家 (大南街)

营业中

休息中

估唔到依家呢個時勢，漢發都要等起碼半個鐘。心血來潮好想食碗好食嘅豬潤，上網搵到呢間好多人讚嘅，朋友們又好食呢樣野，就拉大隊去漢發。我地已經係人地正常lunch hour前去，去到都見到有條人龍仔，排隊聽到好多人都特登揸車去食，搞到我好期待....最想食嘅人通想都會有啲意外，漏單...個個都有得食，得我等到夜深...好彩好快就追返我碗豬潤米返黎豬潤岩岩熟，冇爆血水！好爽呀，好大塊又厚身！好滿足！不過唔知點解食到最後一塊係有少少苦。嗰湯酒同薑味唔重，正常ok！飲完會有少少口渴。